منتديات الغمري

منتديات الغمري

تمنيت أن اعيش كما تريد نفسي ولكن عاشت نفسي كما يريد زماني
 
الرئيسيةمنتديات الغمريبحـثالتسجيلfacebook  منتديات الغمري YOU TUBE منتديات الغمري دخول

شاطر | 
 

 الصحبة................

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
ملكة الإحساس
مشرف
مشرف
avatar

انثى عدد المساهمات : 543
تاريخ التسجيل : 11/03/2010
العمر : 30
الـبلد : الجزائر

مُساهمةموضوع: الصحبة................   16/3/2011, 09:15

[ندعوك للتسجيل في المنتدى أو التعريف بنفسك لمعاينة هذا الرابط]

انتِ مصاحبة مييين ؟؟ السلام عليكم ورحمة الله وبركاته
بسم الله نبدأ فعلا احلي واجمل حاجة في الدنيا ديه انك تلاقي ناس تقربك من
الله عشان أساساً الحياة دي مش حياة احنا مش عايشين ده وهم أهو بدأ يخرف
أهو لأ بجد الرسول قال لا عيش إلا عيش الأخرة يعني احنا أصلا مش عايشين
دلوقتي بس اللي عايز يعيش بقى أهو عرف العيشة فين طب أنا عايز أعيش إيه
اللي يساعدني اني أعيش؟؟؟ الصديق الصالح الملتزم الالتزام هو انك تمشي صح
في حياتك عارف الحلال والحرام عارف الصح من الغلط عارف انك تعمل ايه
ومتعملش ايه هو في ناس كده؟ اه فيه بس دور عليهم هتلاقيهم حواليك فى كل
حتة حتى هنا علي السايت في كتيييير اوي يستحقوا كل الاحترام والتقدير بس
خد بالك بقى إنت مش بمزاجك انك تصاحبهم أو لأ لأ إنت سوري في اللفظ ان
لازم تصاحبهم متتخضش كدة على طول هقولك ليه بعد ما تصلي على الرسول الرسول
قال لا تصاحب الا مؤمنا حاسب تصاحب حد مش مؤمن او حياته كلها ذنوب وحوارات
من اياها ايه ده ليه؟ اصل حبيبي وحبيبك قال ((المرء على دين خليله فلينظر
احدكم من يخالل )) يعني ايه؟ يعني لو صاحبك مؤمن فانت زيه والعكس صحيح ده
الرسول الذي لا ينطق عن الهوي هو اللي قال كده يبقي انا هاخد ده قانون في
حياتي انا صاحبي و صاحبي أنا هو ملتزم أنا ملتزم هو عاصي أنا عاصي اكيد مش
همشي مع واحد ضايع واكون انا محترم ومتثقش في نفسك اوي وتقول انا محترم
ومش هيقدر يضيعني لأ هيقدر عارف ليه؟ ربنا قالنا منأمنش مكره وانت امنت
مكر ربنا كده لانك مسمعتش كلام رب العالمين ومشيت مع واحد الله ورسوله
حذروك منه لكن انت مسمعتش الكلام أنا جربت كل أنواع الاصدقاء كله من أول
ناس بايظة تماماً مروراً بالناس الملتزمة لغاية ناس ارهابية و صدقوني اللي
وصلتله فى الأخر إن كلام الرسول صح بالحرف أحلى صحبة صحبة الملتزمين طب
يعني مكلمش التانين خالص ؟؟؟ مقلتش كده اللي بقوله مش هو ده صاحبك هو مجرد
رفيق في الدنيا زميل ممكن تحاول ترجعه للطريق الصح لكن اوعي تندمج معاه او
ترغي معاه او تاخده صاحب بجد الا لما يرجع عارف يعني ايه صاحب ؟؟ يعني شخص
يكون سبب في زيادة ايمانك يعني اللي بيوريك طريق ربنا وبيذكرك بحب الرحمن
ويخوفك منه اللي بيعيشك في احلي درجات الحياة من الصدق والامانة والاخلاص
بيعلمك انك تكون مخلص لله بيعلمك الاحسان وازاي تعبد ربنا كأنك شايفه عرفت
يعني ايه صاحب ؟؟ من الأخر كدة يعني شخص يساعدك انك تعيش العيشة الصح مش
الوهم اما ما هو عكس ذلك فليس بصديق ولو سميته صديق هقولك كلمة حق اريد
بها باطل طيب من نصادق؟؟؟؟؟؟؟؟ شوف ربك قالك ايه واعمله وَاصْبِرْ
نَفْسَكَ مَعَ
الَّذِينَ يَدْعُونَ رَبَّهُمْ بِالْغَدَاةِ وَالْعَشِيِّ يُرِيدُونَ
وَجْهَهُ وَلا تَعْدُ عَيْنَاكَ عَنْهُمْ تُرِيدُ زِينَةَ الْحَيَاةِ
الدُّنْيَا وَلا تُطِعْ مَنْ أَغْفَلْنَا قَلْبَهُ عَنْ ذِكْرِنَا
وَاتَّبَعَ هَوَاهُ وَكَانَ أَمْرُهُ فُرُطًا ربنا بيأمرنا إن نلزم نفسنا
مع الملتزمين و منسمعش للي قلبه غافل عن ذكر ربنا وماشى على مزاجه طب
تعالوا نشوف اصدقاء السوء في القران بيعملوا فينا ايه وَيَوْمَ يَعَضُّ
الظَّالِمُ عَلَى يَدَيْهِ يَقُولُ يَا لَيْتَنِي اتَّخَذْتُ مَعَ
الرَّسُولِ سَبِيلاً {27} يَا وَيْلَتَى لَيْتَنِي لَمْ أَتَّخِذْ
فُلَاناً خَلِيلاً {28} لَقَدْ أَضَلَّنِي عَنِ الذِّكْرِ بَعْدَ إِذْ
جَاءنِي وَكَانَ الشَّيْطَانُ لِلْإِنسَانِ خَذُولاً {29} الظالم هنا
مقصود بيها اللي ظلم نفسه بالكفر أو بالضلال والمعصية هيقول يا ريتني عشت
في طريق الرسول و ياريتني مخدتش فلان ده صاحبي لييييه عشان وداني في ستين
داهية و لما بقيت في مصيبة دلوقتي أهو يوم القيامة باعني بيعة تببيت و مش
شال عني أى حاجة وخذلني ماهي مش فارقة شيطان إنس أو جن يبقى لييييييييه
أصاحب واحد هيخلينى أندم على معرفته تعالوا نشوف الصديق الملتزم يوم
القيامة ربنا بينادي يوم القيامة و الشمس قريبة من الرؤوس أين المتحابين
في و يظلهم الرحمن يوم لا ظل إلا ظله عايز إيه تاني أكتر من كدة يعني
الصديق الملتزم نفعك دنيا و اخرة تعالوا نشوف الصديق اللي مش ملتزم يوم
القيامة دي مش هاتكلم فيها بس حجيب أحلى كلام فيها من ربنا سبحانه و تعالى
في صورة الصافات بعد وصف للجنة وأهلها تيجي الايت دي قَالَ قَائِلٌ
مِّنْهُمْ إِنِّي
كَانَ لِي قَرِينٌ {51} يَقُولُ أَئِنَّكَ لَمِنْ الْمُصَدِّقِينَ {52}
أَئِذَا مِتْنَا وَكُنَّا تُرَاباً وَعِظَاماً أَئِنَّا لَمَدِينُونَ {53}
قَالَ هَلْ أَنتُم مُّطَّلِعُونَ {54} فَاطَّلَعَ فَرَآهُ فِي سَوَاء
الْجَحِيمِ{55} قَالَ تَاللَّهِ إِنْ كِدتَّ لَتُرْدِينِ {56} وَلَوْلَا
نِعْمَةُ رَبِّي لَكُنتُ مِنَ الْمُحْضَرِينَ {57} كان هيوديك في ستين
داهية و لو فى الدنيا إنت زعلان انك هتبعد عنه وفاكر انك هتخسر كمل بعديها
بأيتين إِنَّ هَذَا لَهُوَ الْفَوْزُ الْعَظِيمُ{60} لِمِثْلِ هَذَا
فَلْيَعْمَلْ الْعَامِلُونَ{61} انت مش هتخسر لأ ده الفوز العظيم واللى
عشانه الناس الملتزمة بتعمل اعمل بقى معاهم الهدف من الكلام ده
ايه؟؟؟؟؟؟؟؟؟؟؟ الملتزم هو اللي فاهم الحياة صح هو اللي بيكلمني ويقربني
من ربي هو صديقي بجد هو اللي خايف علي وعلى مصلحتي عشان نعيش مع بعض بقى
هناك فى الجنة العيشة الحقيقية إن شاء الله انما التاني مش هيجيلك من وراه
غير المصايب دنيا واخرة وفى نقطة أخيرة بس فيه فكرة منتشرة عن الملتزمين
انهم مش Funny أو مش لذيذ انك تقعد معاهم بس أنا جربت الصحبتين وملقتش
أحلى من الملتزمين حتى فى الهزار والتهييس طالما مش غلط وفعلا أكتر لحظات
حياتى سعادة كانت مع الملتزمين أو بسببهم كل واحد يدور هل فعلا عنده
الصديق الملتزم ومينساش يحمد ربنا اكبر حمد لانه طريقك الي الله بجد
اسألوا ناس جربت الصحبتين وعارفين كويس قوي يعني إيه صاحب بجد ربنا يرزقكم
الصحبة الملتزمة /
الرجوع الى أعلى الصفحة اذهب الى الأسفل
 
الصحبة................
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديات الغمري :: الإسلامية :: الدعوة والإرشاد-
انتقل الى: